HRM @ Organization (VI) - Headquarter VS Subsidaries

此篇係有點"急奏章"的味道, 所以容我有點中英夾雜其中。

先後地拜讀CM, CK, 安諾勿斯三位同樣地講地方政治, 令我不期然地想起一間公司如何地擴展成多於一個管理範圍(可以係子公司, 又或者係一個site)。

姑且暫時不講到太遠(如總公司在香港, 分公司在日本這類例子), 實戰例子:

一間大公司, 有三間子公司, 分佈香港島(柴灣), 九龍(旺角)及新界(荃灣), 總部在灣仔, 經營化妝品零售生意。

總部全權負責人手調配, 採購, 訓練和市場策略等決策; 而日常運作(如營業時間和員工更表)和日常財政開支(例如petty cash)等, 則由子公司處理。

可是, 若然在權力分配上甚至管理人的處事態度, 都足以影響到地方(子公司)對中央(總部)的忠誠, 信任, 依賴和服從度等。中央過份放權, 地方擁兵自重(即係地方的管理人擁有親信, 自己友), 管理人權力坐大, 不太服從(甚至當中央"透明"), 就會出現"妹仔大過主人婆"局面; 若然中央有重要政策需要地方推行, 聽話的, 地方會敷衍地推行; 不聽話的, 地方會做些動作來反對中央, 例如提出反建議叫中央"遵從"; 這些都是造成中央事事都忍讓地方, 最終對整體的公司管治是不利的。

睇埋番外篇, 更想到很多很多。

一般而言, 以我做了若干年工作經驗(至少五年以上), 但凡有員工不幸入院"大修"和女同事去"生產", 較大機構的做法係為子公司/部門請一個臨時工幫手, 但中小企的子公司/部門/team呢? 女同事預先通知了要去"生產"就話一定要請個臨時工幫手; 但係員工不幸入院"大修"呢, 以中小企有限的財政加繁重的工作量, 要請一個臨時工就需要額外時間和資源去做(由刊登招聘廣告至成功請到人回來整個招聘程序), 若然各位見工者不合要求, 甚至就算請到那位臨時工, 做一天就"玩失蹤", 中小企又要浪費人力物力去做。在如此緊絀的人手, 財政和資源下, 情形就如CK所講: 由得那部門/team的員工加班啦!

最奇的係, 通常那種臨時工, 由於工作時期短, 對公司以致工作環境少歸屬感, 好多時都受到所屬部門/team歧視(例如不幫手, 單單打打等), 甚至見過有臨時工突然人間蒸發, 也許是被逼走的。

處理得好, 加上部門/team員工團結, 士氣就會穏定甚至變好。但處理不當, 部門/team員工不團結, 亦是部門/team以致整個機構的危險伏線, 甚至係計時炸彈。

至於一個子公司, 部門和team, 人數要多少容易管理呢? 多年經驗告訴我, 人多未必係好辦事, 太少人未必好管理; 若然業務需要多人工作的, 以一team人去管理和加強溝通會較好。安排team的人手時, 亦要留意team member的特質; 上司甚至老闆在管理員工無能, 又或者個員工惡過上司兼當他無到, 就算個team人才濟濟但各懷鬼胎, 無團結精神可言, 都是計時炸彈。

回歸基本步:做好內部溝通, 有些機構甚至為員工"統戰", 但"統戰"是好是壞, 恕我不便評論。

總結: 以書本加實戰多年經驗而言, 管理員工從來就是一個大學問。

後記: 太遲至出此篇, 累到各位街坊友好等到頸都長埋, 罪過罪過, 我只好致以萬二分歉意。