生日感言----給您們的話

有關人等, 請留意(如果有blogger/朋友睇到, 請幫手通知有關人等, 排名不分先後, 少了您那份請揚聲)。

CK: 有朋友問我, CK是否真有其人, 以及想請教下做甚麼生意竟然會有人收購兼發大來做; 我想send email給您, 但又怕您會見笑, 所以...係咁意俾少少hints俾我地想像下好唔好?

又, 今年Stephy身體好似唔多妥, 希望她於工作上不要太勞累, 祝早日康復。


CM: 多了兒子的您, 是否繼續忙於格價買奶粉和尿片呢? 我覺得, 最開心的人, 除了您的內子, 我想是您的雙親了(嘿! 不少老人家喜歡有兒子嘛!); 阿女好難教噃(尤其係寧願玩都唔食飯), 搞到您好頭痕, 以我屋企曾經照顧別人的孩子為例, 除了要清理玩具唔俾佢地臨開飯時玩外, 最重要的係俾個訊息個女, 您一玩一扭計就無佢最愛的東西食。


七十: 我同樣有轉行的經驗----由HR到採購。行依條路唔難行, 但心理壓力一定有, 以及要比別人的預備和工夫要多。

我依家都有諗過: 五年後，我希望自己是個怎樣的人呢？

最終的答案和方向仍未找到, 但暫時的答案係: 我唔願意五年後仍然係做緊依家的位置。

共勉之。


渣估(Tony): 我終於買到您本書了, 幾時會聽到您好事近的消息耶? 又, 希望您在出年的今日, 為我這個小讀者寫篇文章, 可以嗎?


Elaine: 原來您後生過我, 嗚嗚嗚! 怪不得各方男性bloggers為您迷倒啦!

又, 想提您唔好放咁多無薪假, 可能連housing allowance都無呀!


Samsara: 想話俾您有些政府工係"唔係人"做----即係工作量超大, 壓力亦大; 希望您的中學同事好番。 又, 聖誕唔好暴飲暴食呀, 跑馬拉松都減唔切呀!

又又, 您跑馬拉松的時間是否6:30am?


On Dog及肥龍: 您地練成點呀? 我呢兩個星期斷了練, 唔知會否有影響呢?

Marshmallow: 開始籌備件大事未呀? 記得預留個姊妹團個位俾我喎!

安諾勿斯: 知您仲有工開, 安心了少少; 但係, 希望您最終能站得住腳。

大口仔: 預祝您將會有一位人馬座的大口仔BB!

馬沙: 唔見您寫信俾阿仔----德信, 又未見您的處女作出版, 甚念!

鎚兄: 我報名了聖誕交叉 blog, 但係呢, 有諗過把上年的聖誕奇緣續寫(不過寫寫下, 開始二級半, 驚俾人打), 亦有諗過寫新Topic, 點睇?

Albert: 您安然無恙嗎? 又, 睇了您呢篇, 有所啟示和得著, 然而, 您有無試過去寺院短期修行呢? 可能幫到您。

大師: 去完Morocco, 下個站去邊? 向xx出發?

篤撐兄: 我有留意您的文章, 但係衰在日間上網有問題(原因請見上一篇文), 所以...唉!
又, 作為女性, 提醒您好多女仔真係好忌Ex呢樣東西(包括我在內, 不過問題係當我的Ex已經變成淡如水的友情時, 就唔會有忌諱)。

AK: 估唔到炮台山咁多美食, 仲以為要到北角先有(其實, 下一站係去天后還是北角?)。

若缺齋老人: 您何時會做全職食家呢? 預埋我好噃!

余若虛: 謝謝您之前回覆話升大學的問題, 但想俾您知: 我和表妹未能成為紅磚大學學生, 唯望來年努力。 又, 加埋您個名入"面書", okay?

佚名(＊風之舞＊): 影相影得幾靚, 努力!

火鶴: 您最近咁少火? 駛唔駛送個本生燈俾您著下火?

怒火媽媽: 一個月之後, 必必做哥哥了, 祝順利生產!

Hana: 見您一次, 發現您又靚了; 係咪份工(教琴)壓力較少, 就可以咁靚?

小豬: 咁好火??? 幾時有新詩發表?

三點: 您在哪裡? 甚念。

FW: 先補番講句Happy Birthday! 謝謝之前幫過我, 但申請不成功, 不能成為紅磚大學學生, 唯望來年努力。知道您終於駕番車, 亦即係...get well了, 感到高興, 有趣問題係: 是否仍是BMW還是Mini Cooper? 又是否趁低吸納(即係: 在凌晨去某車行買車勁減6折)?

湯公子: 您幾時update個blog呀? 幾時約我同佛羅倫斯小姐食餐飯(仲記得舊公司之farewell宴嗎)?

AW: 本來找個機會閒話家常, 但係每次見到您忙亂的樣子, 只好寫下, 別見怪。

短短的日子(只不過兩年罷)就能升到另一個位置, 作為working partner, 坦白講, 不捨的心情一定有, 但明白到您的表現得到肯定, 實是替您高興。然而, 一直知道這個位置, 實不易坐, 比起之前位置之工作, 更易令外間人士受注意, 處理不當會引申一些問題, 再加上要和新partner工作, 相信壓力亦委實不少。

唯一擔心的係會變成上一手的翻版(至於擔心的原因, 容我按下不表), 以及造成您對工作和工作以外的失衡(按: 一個人要兼顧兩樣事情, 其實大家明白): 眼見如此, 除了更自發地工作外, 有能力處理到的事情會嘗試處理, 否則還是與您商量的。

還有一樣想講的係, 若然有日是但一方離開現時的工作地方, 希望大家仍可以成為朋友; 難得一生人, 找到一個可以看穿自己性格的人(或者自己易露餡吧), 有點驚, 但從好的方面看, 其實係幫助瞭解自己。

有機會的話, 找一個午飯時間兼加多幾位再談吧!



最後, 謝謝以上人等收看。