聖誕交叉扑 - 我叫阿『鞋』

我叫阿『鞋』，個名其實幾老土，一向唔走時款路，無一tick，無三間。滿身泥濘與傷疤，腳配狗牙既行山一族。

記得早年『非典』，大家都忽然熱愛郊遊。以為郊區空氣好，遠離閙市無人到，無需扮醫生，口罩不離身。

人云亦云好，唔跟就老土。一時間郊區旺過市區，人人放假仆到去。時勢做英雄，小鞋在那刻與主人相遇，還有死黨『襪仔』。平日足不出戶，但為o左健康，都希望練好身體。

時移世易，縱然走過五百公里，今日落得默守家門。生活轉變，股市日日升，唔好話出門，『踢拖』都要望住個市。連最佳拍擋『襪仔』，呢幾年都索性轉型，一身紅衣打扮，由昔日辛勤勞碌，保護雙足。到今日掛在窗邊，盼望聖誕老人拋下黃金，從此享受餘生。




結果又係自欺欺人!

物極必反，金融海嘯。有錢唔敢駛，有病唔敢睇。唔怕自己炒燶，最怕老闆炒輸。

踏破鐵鞋無覓處，要解危解困，從歷史中學習，從經驗中成長。曾經陪主人大步上山，緩步下山，今時仍可走出谷底。

正所謂『家有一老，如有一寶。家中重有一對陪你走過荊棘滿途o既鞋仔』。

祝願各位:-

『聖誕快樂，同步過冬，明年一同上山鬆一鬆』。