回應"人在中環"----幼稚的生意佬

CK, 謝謝您如此抬舉小妹----我, 今次真係跪都跪唔切! 我雖然做HR都有一段日子, 但大家仍在學習階段, 互相切磋交流啦!

想回覆您和vinivala所講的問題:如果加幅相落去份Resume度，老細係咪會加分?

可能因為考慮到個人資料 (私隱）條例關係及表明是平等機會的僱主(即係聘請您不是因為您的相貌問題), 所以政府, 公營機構以及某些私人機構的申請表都不會有相片一欄; 觀察所得: 大多申請人若然透過郵寄或電郵申請職位時, 仍有公司會列明要交相片(申請做護衛是其中一個行業要交超過一張相的職業), 但多數會待正式邀請您去面試時才要求交相片。

至於您主動加幅相入CV, 無可厚非的, 況且科技如此先進的話, 您都會執靚張相(包括整走粒痣和疤痕)才放入CV啦! 不過記住若要電郵成份文件----CV連相加application letter的話就不要超過1MB, 否則您就算整得有幾靚張相, 多數第一時間會delete, 原因是size太大會整爆mail server。當然閣下自問是推銷工作經驗和學歷多於相貌, 又或者自問相貌平庸(甚至唔靚)的話, 建議把您的賣點都放在CV的內容上好了。

不過, 若然您放張相入CV, 第一就要"近照":即係最近6個月-1年所拍的半身護照形式的相片; 若然您把您的生活照keep落去當近照的話, sorry! 我們時時看這類相片, 一定看出有破綻關係(例如燈光和CK所講的破綻); 仲有好多時會收到超過十至二十年前的相片(睇張相有幾舊和框位就知, 見埋真人就嚇到小妹跳起), 我們覺得申請人無誠意, 多數不會約上公司見工, 所以還是破費兼正經地影一打"近照"較好。

身為老闆, 上司或者人事部有甚麼看法呢? 之前港燦在RECURIT一文中話無相唔見, "Resume張相唔係女仔相"和"Resume張相唔靚"就燒, 但放心的是絕不適用於政府, 各大公營機構及大型私人公司上, 所以若然見中小企(好似CK同渣估的公司)的話, 有相的話會有較高的面試機會, 原因是多數老闆或者人事部為節省時間, 多會選擇少文字的CV兼有相的去看申請人的資料。 至於講到樣靚會死得快, 身為女仔我覺得這個可能性不能排除, 男士多數揀女仔做同事, 其一是多數做事細心, 其二係樣靚的話真係會達到賞心悅目的效果(可惜我個樣太平凡, 笑起就有點似楊千嬅); 但女仔都有少少妒忌之心, 稍為出眾就會排擠您, 所以各位樣子平凡的人不用太失望, 樣子不俗未必有好處。

CK話HR部門俾女仔玩晒, 我不太同意, 因為我所接觸的是: 頗多機構的人事部要員多是男性, 女性雖佔大多數, 但多數都不會"亂來", 原因每間公司都有一套請人準則, 但裙帶關係者不在此限。

希望小妹的愚見會幫到大家吧! 歡迎各位提出意見。