看過您在人在中環的留言, 身為過來人, 阿思完全明白您的處境。
打從政府話要請temp staff和contract staff開始, 這個分歧在各大小政府部門, 甚至公營機構, NGO都有。
天下烏鴉一樣黑, 其實私營機構都有----不過您在政府工作, 就以為無辦公室政治和不會搞圈子。
做政府部門其中一個特點, 就是部分公務員恃著政府不會炒人, 就會"恰"和"駛"temp staff和contract staff工作, 情形如您所講的一樣。
若然您有上過招職的forum, 就知道有位小姐在貿易處工作, 見到好多公務員偷懶, 吞port......但無人"替天行道"。
阿思有幸可以在兩個陣營的機構工作, 您經歷過的阿思都試過, 可以俾意見的是:
1. 做任何post都要做好本份, supervisor叫您做的事一定要做妥; 對方撐您與否是另一回事。
2. 若然您是做得不開心的程度是令到您身心皆疲的程度, 是時候考慮去留的問題。當時做了半年公營機構的阿思就是碰到相類似的時候, 都下了一個重要決定----縱然薪酬和福利都較好。
3. 外面的世界未必像政府般安穩, 但若然您有學識才幹, 哪怕沒有公司聘用您呢?
4. 您做任何決定, 阿思相信您的家人, CK, 渣估和阿思都支持您。
若然您在工作上有任何動向, 請同樣告訴給阿思知道, 或者給您一點愚見, 可以嗎?
祝您好運!
阿思(Karen)上
【2020年唯一介紹無綫劇集《降魔的2.0》】 「今日唔係終結，而係一個過程，一個新嘅開始。」 睇慣我寫的電視介紹文，係甚少介紹無綫劇集，近兩年來只係一年一至兩套（上年本來想寫《金宵大廈》，卻忙於功課而作罷），《降魔的2.0》或者係自己今年唯一一套會寫的電視介紹文...
-
有關人等, 請留意(如果有blogger/朋友睇到, 請幫手通知有關人等, 排名不分先後, 少了您那份請揚聲)。 CK: 有朋友問我, CK是否真有其人, 以及想請教下做甚麼生意竟然會有人收購兼發大來做; 我想send email給您, 但又怕您會見笑, 所以...係咁意俾少少h...
-
最近天氣時冷時暖, 又工作量以倍數地增加, 又要交project assignment, 身子不好, 皮膚敏感又發作; 又焦慮又少許情緒抑鬱; 所以, 需要多點休息和時間處理, 暫時不開新文章, 留言依舊, 直至所有情況得到改善為止。 抱歉......
-
三位美女一個(?)(請自己填寫) 兩星期前, ABCD四人相約在地球裡一個很小很小的角落相聚。 四個人, 其實可以湊成一枱麻雀了, 因此可以稱為「三(???)」(四字詞語, 請填寫)。 晚上的天空雖然不時下著雨, 但似乎無損相見的興致。 對A而言, 其實已經分別和B、D正面地相見...
18 comments:
謝謝你的支持~
其實CK的blog太多人了, 我都好想響度再講多d等大家比多d意見我, 但係我而家反而擔心會比同事睇到, 走唔走一件事, 麻煩又係另一回事~ 我都冇諗過大家咁多意見比我, 我真係好感動, 不過另一方面亦說明, 香港地而家打工, 太多委屈.....
思, 是我, 我今日又傷痕累累了...
有幾傷呀, 講嚟聽下......
其實要講出黎真係好長篇, 有時都講到自己口臭, 好似個怨婦咁, 呻呻呻呻到樹葉落.... 有口難言.....
其實我走, d人會好心涼, 亦都會走得好冇尊嚴... 不過我冇理由用我d青春同呢班人癲...
總之, 搵工啦...
同意呀! 做人無謂做到唔開心, 只係打份工, 又唔係同班同事做過世, 對得起天地良心就得啦!
阿思記得在某個公營機構做了半年(合約為一年), 情況同您好相似, 做錯一次就俾同grade的同事行動和言語上單打, 成個人非常不開心, 於是在工作了第三個月後開始部署搵工, 三個月後過檔到現時的機構內工作, 雖然多工作要做, 但至少有上司和同事support自己。
明知那班人心涼, 但記住走要走得有體面, 話晒係阿思的上司和請我的manager都知道阿思的工作態度如何, 所以當時係交帶未完的工作和向他們講些感謝說話, 所謂"山水有相逢"嘛。
有什麼不開心, 即管講出來, 無謂鼓起個腮, 唔靚女o架!
打鐵趁熱, 阿思等您消息, 祝您搵工成功!
謝謝你呀!
前幾日manager叫星期一開會, 話問班clerks對換office傢俬既意見, 黠知星期一朝早佢話唔黎, 我心諗你玩野咩, 明知我鬥唔掂班clerks, 一路無事, 開完會收晒d意見report比manager, 點知第2日, 我返工遲左少少, 原本響我未返時, manager已經透過阿姐把口同班clerk講ban晒佢地d意見, 咁我心諗, 你叫開會又唔開, 開完又ban晒佢地d意見, ban都唔緊要, 你都有技巧d, 同佢地講話你地揀d野貴呀, dept冇錢未算lor, 佢又講班clerks揀d野點點點唔得, 班clerks又癲的, 而家係阿姐+manager ban你地, 關我X事咩! 下晝時manager無啦啦比2分鐘我執野叫我同佢出去開會, 我拿拿臨執野走, 點知班clerks圍埋, 話我放工走左去避開佢地, 仲講到 "你估你而家放左工就唔洗面對我, 你聽日返工未又要面對我!!!"
嘩, 關我咩事, 而家唔係我ban你地d野!!!
見解如下:-
1. manager都係人, 佢雖然鬥不過clerks, 但都知班clerks的"衰"法, 加上manager始終有權力, 所以用權力去"ban"走班clerks的意見不足為奇, 當然不排除因為要用"阿公"d錢要小心d(換轉係您都小心啦, 您都怕生果報和方向報登頭條----您個部門濫用公帑!), 所以話班clerks揀d野貴呀, dept冇錢(您其實都知政府點樣批d錢落dept喎), ban晒佢地d意見都正常。
2. 您當佢地的話聽不到, 眼不見為乾淨囉! 您都橫豎一心要走, 在佢地心中您都係衰人, 無謂同佢地一般見識啦!
manager冇用 "d野貴" 為理由去ban班clerks既意見, 佢洗左阿姐出去, 同班clerks講你地d意見點點唔好, 而家ban晒!
我已經同manager講過, 如果你班ban佢地d意見, 唔洗講多, 同佢地講 "冇錢" 就得, 一句講晒, 淨乾利洛, 講得多, 班clerks又癲既, 咩野都諗得出, 幻想到係我ban佢地咁, 好癲~
manager的話, 無可厚非, 這是佢的comment。
但係您同manager講"如果你班ban佢地d意見, 唔洗講多, 同佢地講 "冇錢" 就得", 反而有"您教manager做o野"之嫌, 每個上司都要面子, 不是個個都虛心地接受下屬立意見, 可能manager會記在心中; 下次同上司(用於現在甚至將來)提出意見, 嘗試改變講的方式。
知道了, 多謝你教我!!! 因為我真係冇咩工作經驗, 好多野都唔識~ 不過我而家個manager真係好nice, 可能因為咁我冇留意到, 我應該注意下!! 謝謝!!!
阿思自問無o野可以教任何人, 而且仍在學習當中, 大家交流一下意見, 互相鼓勵啦!
我辭職時再比消息你, 再咁玩法, 應該好快~
今日又為左份工喊, 快d過年就好, 過左舊曆年我就想走...
我在想, 自己係唔係真係好乞人憎, 搞到個個都討厭自己, 神憎鬼厭....
上次響ck個面留言, 之後有一個叫ben的人, 同我公司一個同事同名的, 留了一句古怪的說話...
打份工0者, 點解咁委屈.....
尋晚諗到今日又要返黎, 對住班癲既同事, 不其然呢埋響被入面喊...... 日日返黎聽埋d冷言冷語, 好似比人文革批鬥咁.... 我係唔係好冇用呢.....
好耐唔見噃Desiree: 您似乎諗埋一面喎(睇到話"叫ben的人, 同公司一個同事同名的, 留了一句古怪的說話"就知您似乎想得太多了), 諗到又喊又搞到自己唔開心, 何必呢?
冷靜!深呼吸!不如試下用一份平常之心去看您的情況......
您累積太多工作上不開心的情緒, 搞到自己覺得"自己係唔係真係好乞人憎, 搞到個個都討厭自己, 神憎鬼厭", 大量負能量出現o左, 其實當您嘗試看看外面的風景, 人們在中環的環球嘉年華開心地玩, 把平日的不開心掃走(雖然都costly, 但都值); 又或者看到今早的陽光很舒服, 有番精神; 從小處看, 就如我的profile所言: 美麗在平常。
之前大部份blogger叫您快d走, 點解仲要拖?
若然唔係家人的主要支柱或者逼切性養屋企人的話, 無謂再留下來(即使您之前話想follow埋個project先至走, 相信您走後一定會有人跟, 公司不會因為無o左一個人而影響operation), 還有有剩的annual leave的盡快放(即係在last day前放, 提早走), 就算claim錢都claim唔番之前的不開心啦! 豪得起的補錢走(我試過要補16日人工, 不過下一份可以cover番)。 最近去上過一些main recruitment websites(相信您都知, 不贅), vacanies都多番, 只要見工的preparation work做足, 都唔怕找不到好工的。
若然不是, 您只好平時當一眾人等透明(早晨最多say hi, 唔睬您咪唔睬囉!), 一路搵工直至搵到為止; 我比喻為一場攻守的war, 對方(your colleagues)攻(言語攻擊您), 您要防守(stay aline), 明知一攻必輸, 所以要守----守到最後一刻(搵到新工)為止, 您才會win。
您一路呻之餘, 其實問心: 您係咪得罪o左人而自己唔知(言語或行動上)? 您的表達形式如何? 您的待人接物態度如何?......您不用給我答案, 人是要不斷自我反省, 檢討, 錯誤中學習, 才會成長。
最重要一句: 若然只懂不斷想負面的事, 只會成為別人訕笑的可憐蟲, 永遠看不起。
多謝你既意見, 我會慎重考慮!
其實我都覺得自己愈來愈積埋D唔開心, 我都叫自己放開D, 不過每日返黎D同事都搞下事, 真係好難頂!
錢係一個重要問題, 我想儲多個錢至走, 因為擔心搵唔到工! 過左年就走, 話之你個Project點算!
係唔係得罪人... 我諗唔多唔少一定的, 唔係D同事點會咁針對我! 我諗呢個係死症, 唯有下份工小心D學精D! 不過我自問唔係一個難相處既人, 最近有新入職既temp 同事, 之前走左個兩個temp 同事我地都相處得幾好, 早前都有約出黎食飯。 (唔知係唔係我安慰緊自己...)
其實我諗好大程度我個位真係三殺位,
尤記得我第一日返工, 老闆話有新同事請食tea, 我同我阿姐都係叫左杏仁霜, 有個同事拎住兩杯野, 殺有介事咁講 "你兩個EO既杏霜!", 之後我阿姐講左句" 咩你講說話咁得意!" 個刻我都覺得好怪, 不過又講唔出點解...
因為我係temp. staff, 其實我每個月出糧都要填form, 我份糧係班clerks計比我, 當日入職, 我d cert同resume都係班clerks幫我對同copy, 返工第二日有個clerk問我: "你之前響xxx做, 做x位, 其實入面點架?" 呢份係我畢業後第2份工, 諗住自己係新人, 咩野都要做架啦, 而且又係temp staff, 都冇咩所謂, 呢d野實係班per.既staff做啦, 唔係邊個做.....
點知後來老闆愈來愈喜歡我, 成日帶我出去食飯, 拉我入房傾計, 叫我supervisor佢地... 我諗所以咁樣, 佢地愈來愈唔妥lor... 換個角度, 如果我係clerks, 我知道晒我supervisor個history, 佢份糧又係我計既, 我d態度都唔會好...
其實我工作經驗真係唔多, 之前份工做左一年就黎左呢度, 好多野唔識就問人, 我阿姐就比d clerks既工作我做, 我拎去問佢地, 佢地答親都唔知... 即使新既temp.同事入黎問佢地野, 佢地都係講唔知, 有d同事響度做左十幾年, 點可能唔知.... 我問我阿姐, 佢又唔得閒答我 or講d唔講d, 結果做錯事.. 之後就比人講同針對... 如果我經驗多d, 可能就會冇咁易做錯野... 會識得handle...
講左咁多野, 真係好多謝你比意見我, 可能我真係有不是同埋唔識諗, 多謝你教精我都講比我知, 我自問唔係一個top同smart既人, 不過我唔係唔肯學同唔肯做, 你, ck, 同其他人比我既意見我真係好感激!
Post a Comment