CV常見的問題

在HR工作了一段日子, 看CV(又稱Resume履歷表)多過吃飯, 雖然不能和老行尊相提並論, 但亦有些心得可以分享一下:

1. 關於CV頁數:

專業人士如會計師及行政人員：2-3頁就夠;
一般職位：1頁至1頁半已足夠，要寫夠2頁則depends工種而定。

2.Two pages per sheet 雙面打印
若然如此，緊記要寫 page number 加 pto（即是Please turn over）， 否則行家們包括我只會睇第一版之餘，認為您俾 information 不足，於是放入廢紙箱。

補充: 所謂 Cover Letter，等於我們成日講的application letter。

3. 小心使用“&”（Ampersand）及注意縮寫
不少行家們包括我多是保守派，不建議寫abbreviation（例如STREET - ST., ROAD - RD.），除了專業資格和機構的名稱，不過, 最好係先寫全名，然後括番縮寫，之後寫番縮寫就可以。

4. CV上太多個人資料
有些資料例如年齡，性別，婚姻狀況，宗教信仰，住家電話等等就可免則免了。

住家電話（按:手提電話一定要填），年齡及家庭／婚姻狀況，可以不用寫。

然而其他, 值得商確, 原因如下:

a. 身份證號碼
若然係填寫 application form instead of CV，又或者呢份工係必須係本地人申請（即係避免非本地人甚至非法勞工申請，因為涉及入境條例），唔填的話，有行家明言話：呢位申請人係咪II（非法入境者）呢？

b. 地址
行家包括我一致認為要填： 原因係若然請的職位係本地機構一般職位，但係申請人是住在第二個國家的，呢一樣絕對要考慮的（按：不是歧視, 而係間公司出多少錢去請一個人，亦要考慮對方路程的問題：香港無乜concern，問題係outside香港又如何呢？）

c. 宗教信仰
如果申請機構係教會或有宗教背景而對方在招聘的廣告內有講明的話，就一定要填（雖然不是mandatory）；原因係呢d機構未必請一個宗教信仰不同的申請人工作。

5. 以下呢點更重要的：
請send之前，務必拿著招聘廣告，check清楚有無寫錯申請的職位，通信地址（包括email或by post address）， 收信人及申請工作等資料。

原因係有唔少朋友因為呢點而被我kill去廢紙箱。

6. 可以的話，CV請打埋您的中文名;

7. CV不用填性別，但唔想俾人弄錯您的性別，其實可以在application letter的下款寫自己名時，加番稱謂，即係：Chan Siu Ming (Miss)。

小補充:

若然係申請政府或NGO機構職位(例如HA)而只需要填e-application form的話, 除了依其要求而填寫外, 若然有問及其他資料(如any additional information to support your application呢d字眼), 還可以paste番您的CV資料(當然您不用重覆您所填的資料吧)。

HRM@Organization (XI) - Restrict of Trade

有關伊莎貝拉與前娛樂公司對簿公堂一事, 挑起我評論件事的興趣; 我所指的不是她和小小超的緋聞, 甚至她進軍好箂塢的事, 而是這單涉及勞資糾紛的關係, 若然真的要開庭, 相信是一單世紀官司; 幸好雙方都以和為貴, 作為觀眾的我亦不會評論誰是誰非, 唯對"Restrict of Trade"這一條條款, 值得同大家分享一下。

先講她的情況, 難以想像的係:

1. 一個僱主(即係那間公司)和一位不足十八歲的女子(當時她只得十三歲, 她的母親當時負責閱讀和陪同簽約), 訂立僱傭關係;

2. 一般藝人同一間娛樂/唱片公司簽約, 由一年至五年不等; 簽成十年甚至二十年去綁住一個藝人, 同肥水不流別人田毫無分別----難聽地講, 把藝人變成公司的搖錢樹, 不斷俾工作做去賺佣金。

3. 若然要離開間娛樂/唱片公司, 她要在約完結後之一段時間內, 不能去本地和外地同行工作, 間接判其銀色事業"死刑"。

然而, 藝人的自主就是如此斷送......。

外國有單真實案例: 有位女明星同一間娛樂公司簽約兩年, 但係期間由於間娛樂公司無俾工作佢做(即係無片拍), 無人工收, 但又限制她合約完結後不能去本地和外地同行工作, 變相斷其米路, 於是乎合約完結立即告間娛樂公司, 最後間娛樂公司要向該女明星賠償。

我所講的case, 正是Restrict of Trade的最佳例子。

當時伊莎貝拉拍完部西片後, 想轉去新娛樂公司, 但她曾經"唔乖唔聽公司話", 俾舊公司雪藏兼加簽多十年合約; 而間舊公司得知她想轉去新公司後, 立即出律師信告她, 更禁止其西片宣傳和轉去其他娛樂公司工作, 她當時曾發出信件俾傳媒話她根本無可能履行如此的不合理長約, 因此雙方決定對簿公堂解決。

而香港亦有同樣案例可以分享: 有間水餃公司的食品開發經理離職, 而該經理的僱員合約亦寫明三年內不得轉去本地和外地其他食品公司工作和公開公司之水餃製作方法; 但離職後一年, 那間水餃公司發現該離職的經理在另一間食品公司工作, 更生產和推出水餃, 於是告那位人士違反當時協定和公開公司商業秘密; 後來法官裁定:

1. 間公司要求員工三年內不得轉去本地和外地其他食品公司工作, 即係變相"斷其米路", 裁定不成立;

2. 但該員工到另一間食品公司工作, 更生產和推出水餃, 亦有公開公司商業秘密之嫌, 裁定員工向其舊公司賠償。

所以, 各位打工仔簽僱傭合約時, 要留意細節(所謂魔鬼就在細節裡:The Devil is in the terms), 遇有不合理條文, 亦不應該簽和問清楚。

CEO = Check Email Officer?

(小啟: 由於連日來公司的network不知怎的不能上blogger.com, 本人幾乎要向有關部門寫投訴信和打算轉account, 幸於今日修復, 不便之處, 請見諒!)

睇《都市日報》邵家臻先生的文章講後CEO時期, 真係對各大中小企的CEO迎來一個當頭捧喝。

CEO者, 行政總裁也, 又稱首席執行官也。在金融海嘯之前, 絕對是一個象徵在公司有權有勢的代表, 雖則未必一定是一人之下, 但必然係多人之上; 由於掌管員工生殺大權, 各大小職員, 對這個要員面前必恭必敬(背後講其是非也不定)。在金融海嘯前, 簡直係要風得風, 要雨得雨。

這種光景, 到了今年年中起已經不復見: 由雷曼兄弟到AIA, 下台的下台, 趕科場的趕科場。

昔日CEO人人爭住做, 到依家呢?

在美國就有人諷刺CEO(Chief Executive Officer)就是Check Email Officer。

如此"筍"工, 您會做嗎?

新聞短評 (08年10月)

一夜倒閉?

一間上市零售公司可以一夜間倒閉, 何解?

看其業績, 完全係沒有問題, 以成衣和發明一系列納米衣服和口罩賺錢甚至上市。在內地(共516銷售點)和香港(共95間)都有門市, 雖則因為租金上漲和成本上升, 加上金融海嘯, 經營困難係可以預計到, 但係為何在今年三月公佈完業績後, 短短六個月內會有一筆尚未清還的12億元的銀行債務, 但都無向聯交所申請停牌呢?

之前想不到, 終於我想到這個原因----擴展業務過急所致。

那筆12億元的銀行債務, 可能係打算增加門市(尤其係國內和香港: 由65間變到有95間), 或者研究納米衣服和羽絨產品, 由於多年來公司業績穩定, 當時加上銀行易借錢, 於是可以向多間銀行借到12億元; 但這次金融海嘯, 所有銀行急急"關水喉"甚至"落雨收遮", 並立即向各大"債仔"要求還債, 間公司可能週轉不靈, 債主臨門, 最終逃不過香港大部份門市結業的命運。

我擔心相類事件會陸續有來之餘, 失業率上升不特止, 各行各業可能會減薪裁員甚至結業。

這股金融海嘯, 相信至少維持一年多才會消退。

除了買黃金保值和留多點現金外, 在職者(包括筆者在內)要保住自己的工作和保持知識增值, 才能捱得住這個漫長"寒冬"。

--------------------------------------------------------------------------

傷才子

剛得悉馮兩努先生仙遊的消息, 很突然和難過。

馮兩努先生係典型勤奮向上游的香港人, 以推銷員和作家自居; 但我的腦海中仍記得他在電視節目中生動地講三國演義的故事----"三國啟示錄"和如何應用於日常生活上。他謂他只受過九年學校教育，憑著自修自學自勵自勉, 七六年在加拿大約克大學取得學士學位。但我相信, 加上他的本身學識和對知識的融會貫通, 才有今時今日的成就。

出事前, 他還在理工大學出席一個有關金融海嘯的研討會。

他除了出書推銷商品或意念, 亦曾參選立法會議員和當選過1999年的司徒拔道區區議員, 以及參與慈善工作, 曾發起"行路上北京"為國內教育籌款。

希望他一路走好, 在天國得到安息......。

「診所（clinic）與醫院（hospital）有何分別？」

依家小孩子由幼稚園升小學, 真係唔容易。前日睇呢則報導, 覺得香港的教育愈來愈恐怖和離譜。

其中有以下問題, 您會點答?

I) 「If I give you $10000, what will you buy?」(中文版:「如果給你1萬元，你會買什麼？」)

我會有以下答法:

1. I will buy the shares of XXX school. (間學校當然係要非政府小學兼且可以叫我的爸媽進入學校董事局啦!)

2. I will buy the shares of HSBC. (年紀輕輕竟然曉得買呢間銀行作長線投資, 識貨! 但係咁少錢, 買交通銀行股票可能得。)

3. I will buy four boxes of PSP/Wii/NDS and then sell to my friends. (未讀小學就識得做生意搵錢, 間學校唔收佢做學生都唔得!)

II) 「診所（clinic）與醫院（hospital）有何分別？」(What is the difference between Clinic and Hospital?)

作為healthcare中人, 我當然能回答得到呢條問題。

間小學想要個小朋友回答一個普通的答案, 定係要個專門的答案呢? 再唔係, 我兩者俾齊喇!

答案:

1. In the number of letters, hospital is more than clinic (表面答案: 以字數定分別, 但咁答法, 學校一定唔收個學生。)

2. 可以參考港燦兄的答法, 引用如下:

"若要比 model answer 小朋友背就梗係話 clinic 的病人唔會過夜 (stay overnight)，但 hospital 的會，但相信校長出呢條題目，原意無預小朋友真係識分。

如果有個小朋友話，我黎面試前一日，媽媽要我倒塔咁早去 xxx 醫院排幾粒鐘照腎，搞到我而家重係好眼訓，未訓醒所以記唔起 xxx 醫院的英文名應叫 clinic 定 hospital 。

合理預期面試者會追問小朋友照腎既過程，再問佢萬一照到有腎石驚唔驚，睇下小朋友面對危機的反應。"

3. Clinic係有病床(hospital beds)無病房(ward), Hospital就有病床有病房。(曾經入過醫院的小朋友, 可能會知, 不過唔知的更多。)

4. 於香港而言, Hospital的面積(area)係大過Clinic; 而大樓數目(number of blocks)方面, Hospital係多於Clinic。(要細心留意至知道的。)

5. 論醫生和護士數目(number of doctors and nurses), 香港大部分的Hospital係多過Clinic。(都係要細心留意至知道的。)

6. 如果間學校接受到用縮寫(abbreviation), 咁仲容易!

香港的地區(District)及主聯網(Main Cluster) Hospital (such as NDH and QEH) 有ICU同A&E, Clinic就無。(若然有家人係做醫護界的話, 咁就可以俾呢個提示, 仲有可能加分。)


我相信, 不久將來, 若然我們的兒女甚至子孫, 可能要面對更艱深更刁鑽的面試問題, 例如:

「蛋白和蛋白精有甚麼分別?」

「論產品安全, 飲豆奶還是飲牛奶會較好一些?」(For product safety, drink soya milk or drink milk will be better?)

「假設家人只給您的零用錢一百元, 但要應付一星期在校內的膳食(即早餐, 午餐和小息, 然而家人並沒有提供早餐和午餐膳食), 您會如何運用?」(If your family only give your HK$100 for the breakfast, lunch and study break of the whole week, but your family will not provide any catering, snack or lunchbox to you, how will you spend it?)

「請用普通話唱一首歌頌香港的兒歌。」

"What is the difference between Pharmacy and Dispensary in Hong Kong?"

雜記(五)

欠住先

真係寫唔切, 呢期在別人的博客度講立法會講好多好多東西(證明本小姐口水多過浪), 幾乎連自己原本要寫的都忘記。

有人寫到200篇啦!我呢?100篇都未到!

不過, 有心情唔係好忙的話, 又或者心理上想躲懶的時候, 會動筆。

寫blog, 係唯一不會逼自己的活動。

各位, 那篇講換血加job rotation續篇, 欠住先, 月尾前見。

又, 呢期不少博客弄到負能量和怒氣充斥, 趁住這個中秋節, relax!

********************************************************

賽後檢討: 地區直選

又講地區直選的賽後檢討。

一直相信鐵票的威力, 雖然有一批有力之士大力襄助, 奈何都出現幫倒忙的情況; 不僅菜菜子要暫別立法會, 依家仲發展到建制派內因為本是富貴黨之鄉事派巨頭皇叔幫第一大黨之鄉事人士拉票, 導致某黨在地區直選慘敗兼全軍覆沒, 弄到互相狗咬狗骨; 雖然皇叔自動退黨, 但相信件事應該無咁快完----因為富貴黨的前主席大少和前副主席天氣女郎, 打算向上大人告御狀, 但係第一大黨的前主席鼠頭曾就隔空向對方反唇相譏。

當然, 富貴黨的副主席天氣女郎曾出任某公營機構主席, 期間爆了單批盪女要員用公帑買一家保險事件, 加上富貴黨反對立法最低工資和工時, 違背民意, 亦非完全係有人吃裡扒外一事咁簡單。

那邊箱, 玫瑰聯盟三俠取得議席, 尤以初次下海的顚狗黨魁高票當選力挫大狀黨馬尾毛值得各方留意, 之前狂轟建制和泛民, 又話顚狗入立法會係特首的惡夢, 但卻放聲氣聯合泛民力抗建制派, 孰真孰假, 真係令人期待。

哈哈!真精彩!大家買定花生睇好戲!

至於新界東, 那位曾做特首特別助理的第一大黨的第二梯隊勤哥, 勝出後接受傳媒訪問, 點知一講英文就出事(video版好多人都睇過, 今次終於有人評論下那位人兄的英文, 而且身為中大碩士生, 語言能力應該有番咁上下, 點知原來傳聞那位人兄所寫的英文成為政府總部上下佳話)!

真係要好好練習, 甚至學番點寫好英文同講英文, 唔好講錯字(可能係太開心, 或者太緊張所致), 成日er, er, er。

至於泛民, 雖然保得住廿三席和社工黃高票重返議席, 但譚師奶和鬍鬚張落馬, 疑似兩面人的波哥, 葉師奶和鼠王芬的掘起, 未來政局將多變數。

********************************************************

悅。餅。

每年中秋, 總有親戚送月餅, 不過, 我每年都會自掏腰包買月餅給家人。

今年我買了奶皇月餅, 本來九月頭訂了尖沙咀P字頭酒店加輪留的奶皇月餅; 一來出名好食, 二來用唔駛200元的價錢(按: 一盒盛惠$198)就可享用五星級酒店的美食; 點知當日(9月3日)下午回覆話: 今年用來做月餅的材料Order已經用晒啦! 吓!當日只係八月初四噃! 仲未到初九, 就話買晒喇!

最後, 我買了對面街的九記奶皇月餅, 網上的評論話月餅係人手做的, 味道和質素同P字頭酒店相差無幾(據悉係同一個中菜部姐妹酒家), 加上每年有台灣旅客買它做手信, 上年開售後一早沽清, 於是在9月4日用傳真方法訂餅, 成功了!

月餅盒, 頗傳統



一盒八件



餅面有「龍」字



味道: 有粒粒蛋黃和奶皇香味, 但易碎; 若然把月餅放微波爐內「叮」15秒, 熱食卻感覺不到奶味。

購買心得:
1. 愈早訂餅, 買到的機會較大。
2. 奶皇月餅買到後, 儘快回家和放入雪櫃, 原因係多數奶皇月餅不加防腐劑。
3. 不是所有奶皇月餅要放微波爐內"叮"15秒才好吃, 其實放在室溫2小時後食用, 味道亦相差不遠。
4. 未必大量購買就"有著數": 加輪留的奶皇月餅雖然寫明20盒或以上才有折扣, 不過若然持有該酒店的AE咭, 買一盒奶皇月餅已經有七五折。

此外, 同場加映新派月餅:「臀部月餅」

盒面像小型日曆



盒內說明「八月十五」的由來



原來這個月餅係雙手拍股的, 它叫「自摸」



宣傳照片



圖解四款「八月十五」的命名:用上四種大家都耳熟能詳的「麻雀用語」﹕全股上場的「清一色」、穿上T-Back的「單吊」、雙手拍股的「自摸」及露出半股的「爆棚」, 真係爆笑。



最後, 祝大家家好月圓。中秋節愉快! 一週過後再見。

雜記 (四)

表妹過大禮

九月最後一個週未, 就係我表妹的大喜日子, 開始人生另一個新階段。

看著她, 未婚夫和他們的家人, 為著婚禮忙得團團轉, 既要訂酒席影結婚相和試衫, 又要預備結婚用的物品和禮數等等, 很大陣仗。

婚後表妹和未婚夫會和未婚夫的家人暫時住在一起, 待找到新房子和儲夠錢才搬。

剛過去的週日(八月三十一日)早上, 就進行過大禮儀式, 有圖為證:

地方淺窄, 大大盤的紅菱和黃菱喜餅都放在阿姨家的地下。



還有.......。



當然少不了一對紅燭和一對椰子啦!



還有這盒喜餅, 據悉係新娘子結婚當日上頭時用的喜餅, 形狀很有趣。



先預祝表妹和未婚夫百年好合, 永結同心!

***************************************************************

中國新建設(模型版)

縱然大家未必會有時間上北京逛逛, 但可以看著模型版去了解中國新建設。

鳥巢



鳥巢(真實圖片版)



水立方



水立方(真實圖片版)



新中央電視台電視大樓



北京首都機場



***************************************************************

九月七日投票日

想問下身為選民的您以下問題:

1. 我係新界東居民, 咁您係.......(唔好緊張!我真係隨口問呀, 兼唔會做調查, 係都留俾大學機構做吧)?
2. 您用甚麼準則去投您的候選人一票? 政綱? 地區政績? 還是其他?
3. 您會否因為政黨/地區人士間中舉辦旅行、食蛇宴、派平安米/月餅, 甚至因為他們資助/接載您到票站而投他們呢?
4. 您會否認清那些表面係獨立民主派人士, 但其實背後係建制派甚至獲另一強大勢力暗中支持? 然而那些勢力, 係會慢慢地削弱, 減少市民對民主訴求的聲音。

我自知難以抉擇, 但希望大家憑著自己的良心和留意他們的政綱政績, 去認清一些候選人的真面目, 是否真心為市民服務(當心大有機會係為政府的施政失當而護航, 如廿三條和梁展文事件)和監察政府施政, 不要為那小小的便宜就埋沒良心地投票。

我們手上的一票, 係會直接影響候選人是否入立法會, 因此, 我們的一票絕不可少!

同場加映:我所工作的機構所舉辦的立法會會計界候選人論壇報導(Posted on 4 September 2008)。