意料之外，但是...

上星期見工，是一份公司總部另一個部門做職安健相關和訓練支援的工作，人工和職銜係高了，但仍是考慮之中。

當天是全英語對答(因為其中一名面試官是外籍人士)，雖然前年返學日日講英文講到頗流利，但在現職而言用英文多是寫文件居多，「甩甩咳咳」難免，但以小女子面試無數的經驗加上少許急才(例如工作經驗和學歷等)，面試表現至少好過用中文對答吧(問題係之前份份面試用中文，都失敗了)!

剛過去的星期五，收到來電說那個部門會揀自己，算是意料之外，應該係一件開心的事，問題係當結合以下一些主觀和客觀因素時，那又另作別論:

1. 自己現職的組別，八月之後會少了個同事(因為調職去另一間醫院)，公司請員工是至少用兩至三個月時間(!)，若然自己轉職，是需要兩個月通知期，即係九月就要返新工，加上還有一位同事剛開始接手我們一些採購支援的工作，自己組的supporting就會出問題。

2. 那位致電給我的其中一名部門主管(係一名中國籍人士，面試官之一)話，以我的工作經驗加上學歷，絶對無問題，問題係「您會serve三位主管，但您要overcome其中一位主管----因為呢位係出名脾氣好...」; 就此，我亦請示自己老闆的意見，老闆話「佢未搬office之前，我聽過佢鬧人鬧成三粒鐘，唔係三分鐘...」，仲叫我「問下其他最近同佢交手的同事會較好」。而我另一位上司，在我當日見完工後得知我係做職安健那個部門之後，就話有可能和那位主管交手，並謂「佢出名鬧人鬧得好勁」。

所以，我還未作出決定......。