Ambiguity Advantage / Too Much Compliments

無錯, 我認係遲了點講ambiguity advantage文章, 但若然係好題目, 不如"打孖一齊上", 又如何?

Ambiguity, 解作"模稜兩可的話"和"含糊"的意思。在職場而言, 既要應付工作, 又要應付你的上司/老闆。 但若然偏重一方, 受害的都係自己。

即係:

你太偏重工作而忽略你的上司/老闆, 無錯你的生產力很高, 但在你的上司/老闆眼中, 若然一個不小心得罪的話, 你在公司的受僱能力(employability)會減少, 就算你幾為公司也好, 公司要裁員的話, 正正就係要炒一些低employability的員工。

反過來, 你serve你的上司/老闆好掂(可能係鞋油擦得正), 但係若然不提高生產力, 假若公司要"收檔", 你在職場上的employability低, 意味著要找份好工亦很困難。

所以ambiguity在員工而言是很重要, 加強和懂得管理ambiguity, 既可保持員工的employability, 亦可令員工和上司/老闆關係不致於緊張。

**********************************************************************************

又講下靚仔靚女老問題。

男女同事上司下屬之間互相恭維，話對方靚仔定靚女，實是無可厚非的事(因為曾經係主管的我, 見到一眾清潔部的"姐姐", 要令到她們開心工作, 這些話是少不得)。

男女之間, 在職場上工作可以平起平坐; 但係講恭維話講到身材上邊去, 就有點兒那過了。

尤其是上司與下屬, 一方的不滿, 其實係可以控告你的。

所以講恭維話, 都係看甚麼人才講; 就算講, 亦適可而止。

**********************************************************************************

後記:

PK乃係我時常閱讀的blogger, 雖然有些話我未必同意, 但以他對職場的見識, 亦是推動我就著一些職場上的問題, 作出研究和發表一些對人力資源的見解。今次此兩個題目, 均出於其blog, 以上意見乃是我的拙見, 希望各方blogger如有相關話題的話, 互相交流一下。