先旨聲明, 以下內容無意冒犯任何人(特別是剛剛畢業的大學生), 只是想講出一些事實而已。
誠然, 讀書非常重要----不論工作上和見識上, 至少人家都不會看扁您。 但若然幸運地完成大學課程, 出來找工作後所面對的問題, 似乎未必是學歷與薪酬成比例的問題。
有位學妹向我呻大學畢業後, 只是一間中小企的練習生, 不是一間大機構的Management Trainee。
我問: 又如何?
學妹答: 工作量又大, 又要幫老闆買早餐, 薪酬又"奀"......。
幸好此姝說薪酬"奀", 否則若然她告訴我, 這一位剛出來工作的大學畢業生在一間中小企工作的薪酬值成兩萬的話(最重要的係只需一個月返兩次大陸), 我一定會打聽一下, 以及是否幹些不合法的工作(唉, 職業病發作!)。
又難怪CK之前在他的blog講過, 以他這種中小企而言, 請大學畢業生工作較為困難。
練習生的工作量大可以算是一個趨勢(若然練習生的工作量是少的話, 我只會恭喜閣下之餘, 亦祝福你所工作的機構仍然能繼續生存), 每日工作至"通頂", 密密返大陸睇廠, 輪更或者不定時工作比比皆是; 至於幫老闆買早餐, 坦白而言, 視乎你對這件工作的觀點與角度, 最重要的係你是否肯"抵得諗", 又或者若然你"企硬唔做"所帶來的結果是甚麼----因為當你細心看你手上的僱傭合約中, 有一句係寫"Any duties assigned by the superiors", 因而被無數上司或老闆所濫用; 曾經有員工質疑過這句子的效用, 甚至找過律師去為這句子註解為"不是你工作範圍內的工作(例如高級經理為老闆沖咖啡)就不用做", 於是乎就拿著這個註解向上司/老闆講"唔做", 好彩肯接受的就可以"甩難", (但大多數)不好彩的就換來一句"你唔做就以後唔駛返公司喇!"等語句; 當然你把件事搞到上勞資審裁處的話, 就要視乎個官如何看待這句子。
有篇講ambiguity advantage的文章, 又正好講員工對老闆和公司的矛盾位, 遲些少再講。
Subscribe to:
Post Comments (Atom)
【2020年唯一介紹無綫劇集《降魔的2.0》】 「今日唔係終結，而係一個過程，一個新嘅開始。」 睇慣我寫的電視介紹文，係甚少介紹無綫劇集，近兩年來只係一年一至兩套（上年本來想寫《金宵大廈》，卻忙於功課而作罷），《降魔的2.0》或者係自己今年唯一一套會寫的電視介紹文...
-
有關人等, 請留意(如果有blogger/朋友睇到, 請幫手通知有關人等, 排名不分先後, 少了您那份請揚聲)。 CK: 有朋友問我, CK是否真有其人, 以及想請教下做甚麼生意竟然會有人收購兼發大來做; 我想send email給您, 但又怕您會見笑, 所以...係咁意俾少少h...
-
最近天氣時冷時暖, 又工作量以倍數地增加, 又要交project assignment, 身子不好, 皮膚敏感又發作; 又焦慮又少許情緒抑鬱; 所以, 需要多點休息和時間處理, 暫時不開新文章, 留言依舊, 直至所有情況得到改善為止。 抱歉......
-
三位美女一個(?)(請自己填寫) 兩星期前, ABCD四人相約在地球裡一個很小很小的角落相聚。 四個人, 其實可以湊成一枱麻雀了, 因此可以稱為「三(???)」(四字詞語, 請填寫)。 晚上的天空雖然不時下著雨, 但似乎無損相見的興致。 對A而言, 其實已經分別和B、D正面地相見...
7 comments:
>>幹些不合法的工作
在大陸？
>>ambiguity advantage
呢篇甚至save起左，因為很能反映我自己當初開泊的目的。
有時我覺得，人力資源這個行業當中這樣insecure的老闆很可能比其他行業更多，原因是，人的因素，可以比起其他因素都不確定。
於我的理解，HRM 是從開始“企圖”以一種“數據化”和“可預期化”的方向，來成就其歷史大業，誕生成為一套專門學問。目的，就是企圖減少因為“人”所帶來的insecurity。
不過，有時會矯枉過正的是，HRM 漸漸變成一種正如PK_所說：理性得太 bureacratic，講 managing risk。然後製造一個又一個 average manager，現在 HRM 的專業教育，我看，就是如此。
或許，我才有問題。
其實我上年畢業既同學大部份都係選擇入大公司，中小企通常都係做住先 !
檸檸啡: 咁你做大公司定中小企呢?
********************************
CM:
"幹些不合法的工作", 不論香港和大陸都有, 無謂畫公仔畫出腸。
"ambiguity advantage": 真係想講先, 但大師那篇更精彩, 所以呢篇要遲一步(俾你講又點話)。
welcome back karen姐姐，等你o既post等到頸都長，終於等到啦。
大公司當然有大公司o既好，入職人功高(但去到咁上吓會俾同期係細公司做o既同學仔爬過頭)，福利好，公司有制度，d老闆唔敢駛到你咁盡。
細公司其實都唔差，人功升得快(因為個base細d)。如果你肯學肯捱，可以學到好多o野。做o野冇咁多制爪(因為公司冇乜制度)。同老闆close d，升都升得快d。exposure大d，易d build up自己o既network，自立門户或跳槽都易d。
大公司又好，細公司又好，冇話邊個好d。又係最老土果句，睇你o既personality同埋career goal係乜，先決定入大定係細公司。
不過真心過句，時下d年青人又有幾多個立志闖一番事業架，d大公司就最鍾意冇乜大志o既年青人。唔好呻啦，入唔到大公司，入細公司都好過冇o野撈，唔通大學畢業仲要伸大手板問啊媽攞零用。馬死落地行，多o野做咪當磨練，買早餐咪當relationship management，人工奀咪當交學費囉。年青人要學吓忍耐，好似近排個市一轉好，有好多人咪入番大公司做。做人最緊要開心，知足自然常樂。
我試過幫老闆買六合彩。
安諾勿斯:你之前可能做過大公司同中小企, 怪不得分析得如此細緻。
"馬死落地行，多o野做咪當磨練，買早餐咪當relationship management，人工奀咪當交學費囉。年青人要學吓忍耐，好似近排個市一轉好，有好多人咪入番大公司做。做人最緊要開心，知足自然常樂。"
I buy!
惡女: 咁中唔中到六合彩呢?
我在大公司做，但又想試下做中小企，因為大公司好似無得點發揮，做既野分得太細緻 !
Post a Comment