請大家幫手送這個賀禮好嗎?

本星期日, 除了係一年一度的母親節, 還有係我的中學同學兼多年老友浮靈小姐結婚之喜, 正式成為靚太喇。

作為老友, 見面雖少, 一年先見一次(原因除了係大家都係大忙人, 更重要的係她當時要在醫院輪值, 直到轉到新工作才有改善), 但係亦因而特別珍惜每次見面的機會。

除了金錢上的賀禮外, 我希望送一點心意給她: 若然各位blog友有幸見到這篇文, 請您們幫手送這個賀禮好嗎? 方法非常簡單: 只需在此寫上給浮靈小姐的新婚祝賀說話就可以了, 屆時我會叫她過來收各位的"賀禮"了, 當然愈多人送就愈好啦。

預祝浮靈小姐與夫君白頭到老, 永結同心!

成龍的謬論

係咁意講喇!

對成龍那番話, 似乎他覺得香港和台灣真係太自由太危險了, 而且國內的貨品靠不住, 不如叫成龍去古巴或者北韓居住好了。

陳自強先生係時候做番成龍的經理人, 因為成龍似乎唔知自己有甚麼講得有甚麼係唔講得。

陳港生先生, 請您為您的失言鄭重向全球華人道歉, 否則只會激起兩岸三地的民憤, 實在不配起做任何公職。

延伸閱讀:
博鰲會上彈香港台灣太自由所以亂：「中國人是需 要管的」成龍這個奴才！
AK - 才:成龍的一生為奴
林忌 - 成龍說中國的電視機會爆炸
林忌 - 成龍自由爆炸論
刁民公園 - 成龍大哥真行啊

Miss T的歌藝

依排樂壇正值多事之秋, 先有迷幻細妹同校長契仔在日本吸萬壽膏兼偷竊上了多日頭條, 最近係呢單T小姐走音事件。

有人話"勁歌金曲"係歌手們唱Live見真章(或者係出洋相)的節目, 否則劉天王唔會一年先去一兩次(仲記得以前呢個節目未話要歌手們唱Live, 劉天王次次都會咪嘴, 後期先至放膽唱Live)。 不過, 一些唱live唱得好的歌手, 表現超水準的話, 絕對係聽覺上的享受, 否則只會令我們的耳朵受罪。

約一個月前的星期六, 剛巧邊食晚飯邊睇勁歌金曲(講真好少在晚上七時半時睇大台, 反而睇亞記居多), 初時真係毫無特別, 就算T小姐一出場(記得當時她係穿短裙子)都不覺得有甚麼問題----直到她開口唱歌; 我和家人(一共三位人等)異口同聲話: 嘩! T小姐唱錯晒D key呀!(按: 我唔認同她走音, 但唱錯音係事實。一來我係在電台聽過呢首歌, 二來我曾經在中小學時學過唱歌, 分到何謂走音和唱錯音。)

事後有睇其報導: 她話有找卡比路小姐(按: 她都係叫T小姐, 只係用其姓名去分辨而已)學唱歌----然而只係兩個月前的事, 問題係T小姐入樂壇唔係呢兩個月的事: 係一年多前的事; 她曾經講過因為患過病而比士塔肥小姐較遲加入樂壇。

坦白講, 她的失準, 一半係其經理人的責任: 不斷為她接不少宣傳show(其中一半係和唱歌無關的), 甚至出寫真出書賺錢, 當她係搖錢樹; 她自己也好不了多少, 加入樂壇都不止兩年了, 問心有無練歌呢? 有無花多點時間學唱歌呢?

以性感衣飾和以笑遮醜, 諗住可以唔駛唱live甚至咪咀就過骨, 仲話今年五月又出碟(會否錄音時, 逐句逐句錄定係用電腦執靚把聲呢?), T小姐別當聽眾瞎了吧!

傅穎走音實錄(勁歌金曲20090321)

尋人(博客)啟示一則

相信有人會開始發現以下人士由四月開始突然失蹤和沒有更新網誌, 因此替各位博客及其粉絲做點事吧!

申報利益: 本人不是其粉絲, 只係有往來的博客而已。

尋人(博客)啟示

尋馬沙, 中國藉男子一名, 30+x歲, 家有妻兒各一, 兒子為德信, 曾給他兩封信; 正職係計數佬, 寫博客及為免費報紙專欄乃係其"副業"。

自今年四月起, 馬沙沒有替其免費報紙寫專欄和更新網誌, 原因不明, 事前並無向任何好友, 讀者, 博客甚至粉絲們知悉這事。

此啟示乃係關心其近況和是否平安, 如有其最新消息, 煩請公告各位朋友; 若然當時人"自動投案", 非常歡迎。

謝謝!

寫幾句

衣排, 勁忙
發了好多火
甩了唔少頭髮(好好好好驚呀)
個頭勁痕
兼嘔了少少血(呢句誇大了, 其實唔係)

公事呢
三件大Project一齊上
不停寫完又改, 改完又寫
話就話星期六日放假
變相在家返工

人事呢
無錯, 人與人之間係需要磨合
就算係新官
要求多多兼係唔係突擊問下您做成點
只要好好預備, 新官就會收貨

不過
無默契唔代表係咪無溝通
係同那個人, 夾定唔夾
但係
唔覺那個人有甚麼大事做過幫過手
卻要講重覆又重覆的話
比起新官
咁代表那個人料子真係有限
好想知道
當時係哪個高層力薦那個人升職
還要下屬承擔其不少工作

私事呢
今個月的六份功課剛好完成
但係
仲有十二份在四月和五月分別完成
唔多易做
做到頭都大

唔多順
唔多順
真係好想放大假
但, 可以怎樣?

My First 10K - Runner No.: K1177

未交代下我最終是否要上城巴之前, 講下花絮先。

雖然我係第一次參加十公里馬拉松, 但志在參與, 心情唔係咁緊張, 反而驚自己屆時唔識起床, 較了兩個鬧鐘方便起床; 不過, 當晚睡得唔多之餘, 還有一個"人肉鬧鐘"----思媽叫我起床, 因此凌晨三時半便起床, 約四時多出門(還有思媽送我到港鐵車站, 她話係治安問題, 不過我又覺得呢種係支持我的表現)。

站在月台的我, 以為我係少數早起跑馬拉松的傻人; 但我去到九龍塘的港鐵站月台後, 就發現傻人不只我一個。

去到金鐘港鐵車站月台就更糟了, 不少參加者排著等列車上天后站, 塞得列車如平時繁忙時間上車去趕著上班一樣。

早上約五時多出閘到天后站B出口, 嘩! 好多參加者呀! 唔止, 很多參加者看起來好精神(我當時都係咁), 有些吃著香蕉, 有些在熱身, 有些男參加者還當眾換上車(按: 諗極唔明, 因為有不少流動廁所, 但可能照明不足吧), 但天后站B出口附近整條街道, 已經熱鬧得很(不過唔算嘈吵)。

放下行裝, 然後係吃著香蕉(無錯, 仲要係兩條呀!), 以及做三十分鐘的熱身運動, 六時十五分開始行去起點站。

到了起點啦! 一路上半行半跑, 但起初無風, 整張面變得漲紅又大汗, 後期就好好多, 感覺舒服; 整段路程有高有低有暗斜, 所以不能一味係咁跑, 有些用多點氣力的地方就最好係走路; 途中有幾個水站, 灌了些水兼潑上面部降溫(但係去到最後一個水站, 明明有ISO-Tune, 點知俾人飲晒!)。

講到呢度, 估下我能夠完成10K呢?










我在兩小時內跑畢全程10K, 唔駛搭城巴呀!


今次的10K, 雖然完賽後雙腳仲係好痛(好彩無抽筋), 但係得著的倒也不少:

1. 三萬多人和自己一齊跑, 很齊心一致, 好開心(若然有些bloggers同朋友和我約埋同一時間和賽程跑的話, 就更完美喇)。

2. 跑10K期間, 發現香港由天黑變天光的景色, 真係好靚, 感覺很美好。

3. 跑到城市花園, 有居民向跑手們揮手支持, 甚至跑入終點, 周圍不少人吶喊支持, 感受到很幸福和"I'm never run alone"。

4. 之後同家人和有些同事提起我完成10K, 得到不少讚美(包括我的新頂頭上司)。

5. 跑完之後, 氣血運行好了許多, 學on dog兄話齋: 跑埋個運氣出泥呀!

6. 雖然如此, 要完成呢次賽事都要付出一定代價----包括事前練習, 賽前睡得唔夠,賽後大休息和之後腳痛。

明年會否再來呢? 等我收到7月的消息才決定了。



代郵七十姐姐: 收到話當日9時飲茶的信息, 已是翌日中午了(況且前一晚已於晚上十時就寢, 因為要三時半起床), 請問可否再相約呢?

我要跑完10K!

非常期待這個星期日----因為一年一度的渣打馬拉松又來了!

今年我是首度跑十公里(10K), 係33,000跑手之一; 心情幾緊張下, 既要唔好俾自己病或者受傷(尤其雙腳), 又要開始計劃當日何時起床和執拾行裝等。

思媽初時反對我去參加, 但我只會半行半跑, 最終都支持了。

雖然由報名參加的一刻(08年9月尾)開始, 每星期一次練跑一小時, 但期間有些星期係沒有練到, 不是自己有病, 就係早上有事要做。

我的目標很簡單----在兩小時內完成10K就得了。

要面對的係當日預測天氣會回暖, 濕度較高, 可能對跑手有點影響; 以及會否懶床遲到。

原來仲有人和我一樣參加呢:

On Dog兄
肥龍兄
Samsara
Bacakara

想在當日向我打招呼? 我係跑早上6:30的一組, T-shirt未諗定, 但會戴上深藍色白色有"N"記商標的冷帽, 淺藍色K記波鞋, 號碼牌係K1777。

09.02.2008, 一早見!