2007-12-25

聖誕交叉扑 - 聖誕情緣 (上)

以下故事內容純屬虛構。

我叫Kinki, 今年20+, 平日是一名接待員, 返朝九晚七; 一到晚上係wet妹一名, 和一大群"豬朋狗友"周圍去"蒲", 喪飲喪玩, 由廣東道至蘭桂坊都有我的足跡。

自從八歳時, 母親突然離家出走後, 父親一直在外地工作, 就只有和外婆相依為命, 我倆當時住在屯門。我其實不太喜愛讀書, 但為了擁有屬於自己的天地, 方便自己wet wet, 勉強讀到中五便畢業。之後與一名好姐妹在深水埗租住一個單位過"同居"生活。

我在公司的打扮很隨便, 戴上有框眼鏡, 一件有領襯衫加一條牛仔褲, 原因係公司裡的男同事, 不是名花有主, 就是其貌不揚, 有些簡直係"電車男"; 就算再花心機打扮, 他們亦不會看多我兩眼。

一到收工時刻, 我就化點妝和換上藍色隱形眼鏡, 變成一隻花枝招展的穿花蝴蝶, 在舞池上飛舞, 遇到合心水的男人, 就上前搭訕, 然後轉另一個場地......。 大家以為會帶對方上我家, 其實只限於攬攬錫錫, 真正有下文的, 就只有前度男友。

男人十居其九很急色, 經過一輪"熱身"就急不及待想來下一步, 就在此時我立即推開他, 之後他亦沒有再找我; 他那失望和氣憤的表情往往令我發笑, 但亦常常懷疑他們當我是甚麼。

今年聖誕夜, 我和朋友如常地到蘭桂坊蒲, 轉到另一個場地, 我遇到另一件獵物。

他叫阿文, 講不上俊俏, 但很順眼和入時, 沒戴眼鏡, 穿著一件深色襯衫; 當時人太多, 聽不到他的名字, 只知道他的視線一直停留在我身上。喝了點紅酒, 我和他在舞池裡共舞, 面貼面, 在周圍的氣氛下, 我倆情不自禁的吻下來; 他示意我上廁所, 我想好戲很快要上演。

一入廁所, 他大力關門後, 立即向我送上一輪熱吻, 那溫暖的手不斷向我的身上游走, "熱身"過後很快就到下一步, 於是......。

"唔, 我身體不舒服, 而且又不想太快, 可否......sorry呀!"我說。
"(猶豫一陣)Okay, 我不逼您。"阿文答。
"Thanks!"我說。

之後, 他打開廁門, 讓我先走出走, 突然他別向臉, "Kinki, 我們會否再見?"
"或者吧。"我邊走邊道。
"您在那裡返工?" 他問。
"金......"我想講係"金鐘", 但太多人, 他應該聽不到。
很快地, 他消失在人群中, 找不著了。

(待續)

2007-12-15

聖誔交叉扑

今個聖誕節, 鐵鎚先生搞了個「聖誔交叉扑」遊戲,很多博客都報了名, 包括我。

本blog今天起招稿,歡迎各界博客友好來稿。

由於我在25及26日不在香港, 不方便上網, 稿件會早一日(24日)刊出。

來稿請電郵至: karen_lsn@yahoo.com.hk, 請多多關照。

2007-12-07

生日感言 - 2007年



這一篇, 先給大家一個心理準備, 有點長兼夾雜很多白話, 英文同俗語(應該係第一篇, 但不宜篇篇都係), 不過, 難得我明日(八號)生日, 睇下聽下我講甚麼, 好唔好?

***************************************************************

健康

留意開的朋友都知, 今年四月開始打緊一場病痛的持久戰, 全身不斷出濕疹, 痕癢不止, 最後更發展到不斷脫皮, 至少都脫了十次皮膚。

那時候, 由於要清理身上毒素, 只可以食素, 身體難吸收, 不斷脫髪(其實種種後遺症很像做完cancer treatment一樣, 所以很明白患者的心情)因而變得胃口差, 次次用膳有想反胃的感覺, 就算有鮑魚都唔想食。初初的五個月, 因為早上要搽某些帶有冰涼感覺的藥膏, 搽完之後"勁"打冷震兼有渴睡的感覺; 因此那段時候, 每日能夠成功返工係一件很困難的事情。

加上當時的工作和學業的壓力大, 身心都出了很大問題, 但不是每一位身邊的人能夠諒解我所承受的一切一切。當然, 更不能像某著名女藝人般, 休養兩年才復出(據悉係拍戲壓力大, 加上哮喘和濕疹發作所致); 所以一直以來, 自己有事, 寧願撐下去的照常工作上課, 連醫生都讚我"好o野"。

終於等到秋天時份, 出了一身汗; 過完呢關, 原來好戲在後頭----風疹, 依家要食藥, 搽藥膏, 魚油, 花膠和時常保暖才減少風疹(都花了不少錢買花膠了), 原因係之前的病, 喪失了不少抵抗力。

但最估不到的, 係飽受以為患上惡疾的疑雲: 一次某身體部位突然出血開始(sorry! 容許我唔講係那個部位, 私隱嘛), 之後在例行身體檢查中, 發現另一部位有疑似腫塊出現。

這次卻出奇的冷靜, 也許拜以前在醫院工作過所致, 於是立即找家庭醫生作詳細診斷和檢驗。當然, 我亦有兩手準備: 假若係真的話, 不但會著手交代個人事務, 而且打算辭工養病, 期間連封信都預備好, 只欠化驗結果。

最後, 當然係安然渡過, "無D咁o既事", 只係身上的血液循環未通順所致。

都係晨運最穏陣。


***************************************************************

積極

講完呢筆, 又講另一筆。

今年同大家一樣, 收到不少"紅色炸彈", 當中不少係親戚送的, 全部都係同輩的。

最緊要的係有位表妹同堂妹都結婚了, 她們的年紀都輕過我兩三年。然而之後, 一眾長輩矛頭亦指向未婚後輩, 我亦是"當然之選"。

"哈哈哈, 咁又點呢?"

放於五, 六十年代, 未婚係一件大件事, 但隨著時代轉變, 男女平等, 單身亦是平常事。

一直兩袖清風, 自由自在, 其實亦不心急。

要過去的, 就讓它過去, 放手。

仍然保持積極, 自我感覺良好。

***************************************************************

無常

人生其實很無常, 不是新鮮事, 所以身體健康是很重要。

姑母和一位年長朋友的離去, 或多或少有點傷感; 尤其係那位年長朋友, 一個感冒就"係咁先", 他生前曾經幫我不少, 有點突然和可惜。

***************************************************************

閒情

最近終於睇番戲: HERO, 風格同看電視差不多, 頗緊湊, 但係相比劇集而言, 大部份配角的戲發揮得較少; 買DVD回家睇最好。

此外, 自己買了一個1.3公升的煮食器, 既可燒水亦可煮食(例如湯麵, 餃子等), 但係放置的地方不在家中, 而在公司的某角落。

係咪好奇怪呢? 因為自己平均一個月會有一至兩日於週六返公司拾東西兼工作, 好多時都做到忘記食午餐, 間中都買定少許糧食(例如湯麵, 水餃, 生菜等), 而且一個午餐至少都要十七元或以上(簡單地講, 慳錢!), 所以原則上, 都餓唔死我的。不過俾同事知道, 一定會取笑我呢!

不過, 大家叫得我出街食飯, 我都唔拘, 只係要戒口, 需要"睇餸"先決定食甚麼飯。

***************************************************************

投資

(免責聲明: 以下內容只是概括地寫及只是一般性分享而已。具體引用內容將取決於特殊的情況。相應地,筆者建議讀者遇到任何問題時,應尋求適當的意見。此內容不應被依靠作為適當的意見的一個取替。當準備此內容時,已合理地小心,任何人如因信賴內容中含有的錯誤,或導致任何損失,筆者不承擔任何因它而起的責任。)

炒股票呢, 我沒有(身份問題); 但叫家人買新股呢, 我有。

今年我的投資眼光不差, 三隻中資股, 一隻中資的礦務股和基建股, 成功抽到後升了10%或以上, 不過都沽晒。

看招股書內容非常重要, 但其遠景(vision)及未來前景亦不能忽視。

唔係分析員同一些財經blogger講幾講就要信晒。

***************************************************************

焗腸

執筆之時, 竟然聽到某高級焗腸向某太發出"挑釁之言", 請問做官員的, 係咪要政治中立? 曾生唔係話過官員同立法局的關係要搞番好咩? 唔通空談? 某太第一日做立法局議員, 任何事都未做過, 唔通咁快就同某太做勢為下界連任乎?

大家不如睇下呢位高級焗腸的背景, 同埋民望係點, 學葉劉話齋: "放長雙眼睇啦!"

***************************************************************

展望

身體早日康復, 減少工作和學業壓力, 心境平和。

先行謝謝各位祝福之言。

最後, 謝謝大家看畢以上"肺話"。

2007-11-13

祝君生日快樂

Dear F,

好不容易又一年, 先祝您生日快樂, 心想事成。

這一年, 看到您的情況穩定下來(這點我是看得出的), 大家都為您高興。

這一年, 於我而言是, 是絕不好受的一年, 遲點會有個解說。

然而, 有些話, 恕我以朋友身份在本寨內講。如有得罪, 請先包涵及見諒。

其實大家都忙碌, 如此的人手和工作量, 少不免會有錯誤和忘記的時候(Outlook都不時彈出無數reminders去提醒了, 當然對數目不太敏感如我, 要計算快而準有少許難度, 薪酬除外), 及時作出修正和補救, 其實已經很足夠。

無謂傷了和氣。

無錯, 對於工作, 大家都很著緊, 但有時大家亦不免有點火(此解作"心情差, 燥火"也), 所以我都盡量控制情緒。 但希望您會明白到"言者無心, 聽者有意", 有時候所講的話, 知道您是出於善意, 可是別人聽了變成另一個意思而未必接受到, 不過一直沒有告訴給您知。

不是甚麼也不說, 而是嘗試將心比己才講, 您會發現很多衝口而出的話會減少, 別人容易接受。

這一點, 因為"撞過板", 所以我開始學懂。

「說到底,做人何必那麼沉重?」我最近才有所領悟。您呢?

另外, 我認我內向, 不太善於表逹自己, 有時候寧願用文字或者圖畫表達所思所想, 是不想別人曲解自己意思, 更有時候還會短暫"收埋自己"(當然我不是自閉); 但當我要講的時候, 希望別人會留意我講甚麼, 或者真的不明白, 可以建議我多點解釋, 是否真的需要執意些甚麼? 不斷反覆質問, 有好處嗎? 又或者, 講一些也不講一些, 甚至"講講下又不講", 其實很不安, 很難受, 換轉是您亦一樣。

我不想猜度別人心思, 只希望開心見誠。當然, 別人鼓勵我講, 我亦會講----只要善意便可。

今年沒有禮物, 送首有意思的歌給您。

請按此細味歌曲意思。



最後,真心祝您生日快樂,事事順心!


助手Karen上

2007-11-10

理想

今天回科技大學, 到圖書館借書寫專題(essay), 途中見了很多穿上畢業袍的大學畢業生在校園裡周圍拍照, 每一位都展現笑容, 好不熱鬧。

由入大學的一刻讀書到成功畢業, 雖然未必會像古代書生般寒窗苦讀, 但必然會經歷無數的考試, group project和寫論文的階段。

我心中一直有個理想, 就是入大學讀書; 雖然這條路轉了很多次, 由修讀證書到現時的高級文憑, 以及當時未能掌握到讀書的方法和選擇甚麼科目去修讀, 但我深信只要努力和理解, 明白書本/筆記內容, 循序漸進的進修, 入大學之路亦不遠矣。

有些朋友知道我的工作量大和身體尚未康復, 建議我不如兩年後才讀大學, 但我覺得有些機會是不可以錯失(例如可以實踐自己理想的機會), 所以我希望把握時間去完成它。

持續進修, 也許是我的信念之一。

***************************************************************************

預告一下: 十一月十八日, 您會用甚麼準則去選區議員呢?

又, 問個無奬問答遊戲: 我最終有沒有看《律政英雄Hero》呢?

2007-11-03

周末短打: 免費電視節目推介--11月初(Nov)

不要問為何好看, 想知就自己親身看!

(1) 新聞話事. 人 (逢星期一晚11:00-11:30, 翡翠台)
想重温, 上這個網站打"新聞話事"就可以。


(2) 走向共和 (逢星期一至五凌晨3:20, 翡翠台)
又或者買VCD/DVD(無廣東話配音)。

(3) 中央九台 (逢星期六早上由9:00至9:30, 國際台)
推介: 聽英文(無字幕)及大山先生("老外"也)教您講普通話。

Enjoy your weekend!

2007-11-02

腳踏實地

最近與某中小企老闆吃飯, 談及有員工寧願辭工, "瞓身"炒股票。

大家還記得九七前, 有些"打工仔"在股海上有"斬獲", 可以晚晚鮑參翅肚。

然而之後, 香港經歷科網和經濟泡沫爆破, 到後來的金融風暴。

近一兩年, 香港經濟復甦之時, 恒生指數升到二萬甚至三萬點。 加上國企紛紛來港集資, 招股反應理想, 有些一上市就升成倍。 賣出之後有錢賺, 難怪有些中學生大學生也來試試。

眼見一些"師奶"和股民如此瘋狂, 又想到這是經濟泡沫的先兆, 這種情況很不健康。

沒有員工為公司賺錢和提高生產力, 如何為公司帶來收入和盈利? 沒有人才和資金, 怎能把中小企變成上市公司?

若然只憑股市去賺錢, 不但短視之餘, 反而是一件高風險兼危險的事, 削弱公司以致整體經濟生產力, 長遠而言, 影響下一代對金錢的看法和可能導致經濟崩潰。

香港莫非單靠炒股票, 炒樓市才可以賺大錢?

作為"打工仔", 須知道強積金亦帶有投資成份; 投資股票之前, 其實不應人云亦云, 要"做功課"----看多點市場資料, 評論以及公司年報及其相關資訊, 最重要的是"小注"為佳。

最實在的, 當然係腳踏實地----努力做好自己的工作, 才能得到酬勞。

【2020年唯一介紹無綫劇集《降魔的2.0》】 「今日唔係終結,而係一個過程,一個新嘅開始。」 睇慣我寫的電視介紹文,係甚少介紹無綫劇集,近兩年來只係一年一至兩套(上年本來想寫《金宵大廈》,卻忙於功課而作罷),《降魔的2.0》或者係自己今年唯一一套會寫的電視介紹文...